السلام عليكم
قصيدة مدح في الأمير / عبد المحسن بن غازي التوم رحمه الله
للشاعر / بندر بن تركي بن هليل الشيباني
ياعلي قرب منك صافي الحديـد يوشيك على زيته وشيك على مـاه
لو كان توه مـن بـلاده جديـدي افحص عليه وكمـل اللـي تـوراه
نريد والله يقضـي اللـي يريـدي نزور ابو غازي ونسمـع حكايـاه
شيخ الطلوح اللي طموحه بعيـدي اللي كسبهـا فـي شبابـه بيمنـاه
اللـي بنـا للعـز بيتـن جديـدي مشيـدا بالعـز ساسـه ومبـنـاه
ماسكـر ابوابـه بقفـل الحديـدي نمشي على الموتر من الباب لقصاه
لو الشباب اللـي مضالـه يعيـدي والله لندفـع كـل شيـن ملكنـاه
هذا الكلام اللي من القلـب اكيـدي والشاهد اللي عالمن فـي خفايـاه
له موقفـن يفرحبـه المستفيـدي واللي تغرب هاربن مـن خطايـاه
في غربته خايف وخوفه شديـدي دايم تخالف في مصيـره حضايـاه
جالن عن احبابه وخصمه عنيـدي مايرحمـه لـو ينتخـي ويترجـاه
ويصبح بعد خوفه وهمه سعيـد يوتفرح عيونن باكيه بعـد فرقـاه
وتصير كل اوقاته افـراح عيـدي وكلن يقدم مـن سـروره هدايـاه
موقف فريد ومن وقف به فريـدي من غير ابو غازي يسوي سواياه
يفداه من قضـا حياتـه وحيـدي لو كان اله شهره وفالناس اله جاه
دوبـه غناتـه منـه مانستفيـدي خسران من زاره من البعد يبغـاه
يطق بابه ليـن ضغطـه يزيـدي وقالوا بعد بكره مع العصـر تلقـاه
قال افتحو طرقـي وداري بعيـدي ابتـريـث عنـدكـم واتـحـراه
قالـوا هـذا مجنـون ولا بليـدي يقول هرجـن عمرنـا ماعرفنـاه
وعود من الاحـزان مايستزيـدي يبكي ومن شافه مع الـدرب بكـاه
من غير ابو غازي لحزنه يفيـدي ويفتح له ابوابه ويسمـع حكايـاه
لو كان كلن يزعـم انـه عميـدي لكـن صعبـات المشاكـل تحـداه
ويالله ياغافـر ذنـوب العبـيـدي اللي جميع الخلق ترجـي عطايـاه
تامر لبو غازي بعمـرن مديـدي وعسى ليا جينا نبا البيـت نلقـاه
ملاحظة : الأمير عبدالمحسن التوم ولد عم جدي من أمي
تحياتي : الذيـــــــب
الجمعة يونيو 06, 2008 2:21 am